Rregullore për Qendrën e Gjuhëve 'English For Life LLC'

• 1. Pagesat:
  • Pagesa duhet të bëhet në fillim të muajit në momentin e regjistrimit tuaj.
  • Vonesa më shumë se 15 ditë në pagesën tuaj rezulton në pezullimin e shërbimeve tona.
• 2. Respekti:
  • Respekto kolegët dhe profesorin përkatës në çdo rrethanë.
• 3. Mungesat:
  • Për çdo mungesë tuajën, orët e humbura nuk zëvendësohen. Në rast se profesori/profesoresha mungon, ato orë do të zëvendësohen, qofshin kurse intensive apo të rregullta.
• 4. Privatësia:
  • Respekto privatësinë e kolegëve tuaj. Është e ndaluar të kërkosh informacione personale nga kolegët, si për shembull Instagramin, Snapchatin etj. Të gjitha komunikimet duhet të bëhen brenda aplikacionit EnglishForLife.
• 5. Dëmtimi i pronës:
  • Çdo dëmtim apo shkrim mbi karrige apo bankat e shkollës duhet të kompensohet me një dënim financiar që përcaktohet sipas vlerës së dëmit.
• 6. Testet përfundimtare dhe çertifikatat:
  • Për çdo nivel që kryeni, është e detyrueshme të bëni testin përfundimtar dhe të merrni çertifikatën e vulosur nga shkolla jonë.
  • Për të hyrë në testin përfundimtar dhe për të marrë çertifikatën, duhet të vijoni kursin minimum tre muaj dhe të kompletoni të gjitha aktivitetet e kërkuara nga aplikacioni ynë.
• 7. Librat:
  • Librat nuk mund të huazohen; ato mund të lexohen vetëm brenda objektit tonë.
• 8. Ushqimi dhe pijet:
  • Nuk lejohet sjellja e ushqimit apo pijeve brenda objektit (Uji për pije ofrohet në çdo kohë nga qendra jonë).
• 9. Mësimi Online:
  • Mësimi Online mund të ofrohet nga profesori juaj me marrëveshje, por shkolla nuk ka obligim t'ju ofrojë mësim Online.
• 10. Aplikacioni 'EnglishForLife':
  • Aplikacioni ynë është në përputhje me të gjitha normat ndërkombëtare për politikën e privatësisë, duke u bazuar në General Data Protection Regulation (GDPR).
  • Emri, mbiemri, emaili dhe numri i telefonit tuaj përdoren për të menaxhuar kontaktin shkollë-nxënës dhe për të menaxhuar llogarinë tuaj në aplikacionin tonë.