Kuptimi i emrit
Në vargjet e poshtëshënuara vëreni fjalët e shkruara me shkronja të zeza.
Veriu fryn pak ngadalë,
Njerëz, kafshë, shpes’e fletë
Pyje, shkëmbinj, fusha, male
Të gjithë janë të qetë.
(Naim Frashëri: “Bilbili”)
MENDONI DHE PËRGJIGJUNI:
– Cilat fjalë emërtojnë njerëz, kafshë?
– Cilat fjalë emërtojnë sende?
– A ka fjalë këtu që emërtojnë gjë të palëndët?
VEÇONI:
Fjalët: njerëz, kafshë, shpesë, emërtojnë njerëz dhe kafshë.
Fjalët: fletë, pyje, shkëmbinj, fusha, male, emërtojnë sende.
Fjala: veriu ernërton një gjë të palëndët.
Mbani mend:
Fjalët që emërtojnë njerëz, kafshë, sende dhe gjëra të palëndëta, quhen emra.
USHTRIME:
Gjeni emrat në këtë tekst dhe shënoni në shtyllat përkatëse që ndodhen më poshtë.
Kali, kau dhe qeni, të shtrënguar prej dimrit, erdhën në shtëpinë e një njeriu. Ai i priti, u ndezi zjarr dhe i nxeu. Kalit i dha elb, kaut byk, kurse qenit mbeturitë e sofrës. Këtë mirëbërësi ata ia kthyen në atë mënyrë që çdonjëri i dha diçka nga mjetet e veta …
(Sipas Ezopit)
Emra njerëzish:
Emra kafshësh:
Emra sendesh:
Emra gjërash të palëndëta:
